افغان کرکٹ ٹیم کے کپتان محمد نبی کپتانی سے مستعفی
پچھلے ایک سال سے ہماری ٹیم کی تیاری ایسی نہیں تھی جو ایک کپتان بڑے ایونٹ کے لیے ٹیم سے چاہتا ہے، محمد نبی
(فوٹو: فائل)
افغانستان کے آل راؤنڈر محمد نبی نے ٹیم کے ورلڈ ٹی 20 سُپر 12 مرحلے سے باہر ہوجانے کے بعد کپتانی سے استعفیٰ دے دیا۔
جمعے کو آسٹریلیا کے خلاف صرف چار رنز سے میچ ہارنے کے بعد ٹوئٹر پر جاری ایک پیغام میں محمد نبی نے کپتانی سے سبکدوشی کا اعلان کیا۔
ٹوئٹر پیغام میں ان کا کہنا تھا کہ پچھلے ایک سال سے ٹیم کی تیاری ایسی نہیں تھی جو ایک کپتان بڑے ایونٹ کے لیے ٹیم سے چاہتا ہے۔
جمعے کو آسٹریلیا کے خلاف صرف چار رنز سے میچ ہارنے کے بعد ٹوئٹر پر جاری ایک پیغام میں محمد نبی نے کپتانی سے سبکدوشی کا اعلان کیا۔
ٹوئٹر پیغام میں ان کا کہنا تھا کہ پچھلے ایک سال سے ٹیم کی تیاری ایسی نہیں تھی جو ایک کپتان بڑے ایونٹ کے لیے ٹیم سے چاہتا ہے۔
انہوں نے کہا کہ پچھلے کچھ دوروں میں ٹیم انتظامیہ، سلیکشن کمیٹی اور وہ ایک پیج پر نہیں تھے جس کے اثرات ٹیم پر مرتب ہوئے۔ لہٰذا وہ کپتانی سے مستعفی ہوتے ہیں۔
محمد نبی کا کہنا تھا کہ وہ بطور کھلاڑی کھیل جاری رکھیں گے۔
واضح رہے محمد نبی کو گزشتہ برس منعقد ہونے والے ٹی 20 ورلڈ کپ سے قبل راشد خان کے کپتانی سے مستعفی ہونے کے بعد کپتان بنایا گیا تھا۔
راشد خان نے کپتان بنائے جانے کے آدھے گھنٹے بعد یہ کہہ کر کپتانی سے استعفیٰ دیا تھا کہ اس معاملے میں ان سے مشاورت نہیں کی گئی تھی۔