’دی لیجنڈ آف مولا جٹ‘ کو انڈیا میں ریلیز نہیں ہونے دیں گے ہندو انتہا پسند

بھارتی انتہا پسند جماعت کے رہنما امیہ کھوپکر نے دھمکی دی ہے کہ وہ پاکستان کی بلاک بسٹر فلم 'دی لیجنڈ آف مولا جٹ' کو بھارت میں ریلیز نہیں ہونے دیں گے۔

'دی لیجنڈ آف مولا جٹ' کو پاکستان سمیت دنیا بھر میں 13 اکتوبر کو ریلیز کیا گیا اور صرف ایک ماہ کے دوران فلم نے دنیا بھر سے 200 کروڑ روپے کا بزنس کرکے ریکارڈ قائم کردیا تھا، یہ پنجابی زبان کی بھی سب سے زیادہ بزنس کرنے والی فلم ثابت ہوئی۔

There are plans to release Pakistani actor Fawad Khan's Pakistani film ' The Legend of Maula Jatt' in India. It is most infuriating that an Indian company is leading this plan. Following Raj Saheb's orders we will not let this film release anywhere in India.

انہوں نے اپنی ٹوئٹ میں لکھا کہ انہیں معلوم ہوا ہے کہ پاکستانی فلم کو بھارتی کمپنیاں بھارت میں ریلیز کرنا چاہتی ہیں لیکن ان کی جماعت ایسا نہیں ہونے دے گی۔

Fawad Khan's fans, traitors may very well go to Pakistan and watch the film.

امیہ کھوپکر نے فواد خان کے مداحوں کو ایک اور ٹوئٹ میں غدار قرار دیتے ہوئے کہا کہ جو لوگ پاکستانی اداکار کے مداح ہیں وہ فلم دیکھنے کے لیے پاکستان چلے جائیں۔