شاہ رُخ خان کی 4 سال بعد بڑے پردے پر واپسی ’پٹھان‘ ریلیز ہوتے ہی چھا گئی

بالی ووڈ سپر اسٹار شاہ رُخ خان کی تنازعات کی نظر ہونے والی فلم 'پٹھان' بھارت سمیت دنیا کے سو سے زائد ممالک میں ریلیز کر دی گئی۔

شاہ رُخ خان اپنی 2018 کی آخری فلم 'زیرو' کی ریلیز کے 4 سال بعد بڑے پردے پر جلوہ گر ہوئے ہیں 'پٹھان' میں ان کے ساتھ بالی ووڈ اسٹائل کوئین دیپیکا اور ایکشن ہیرو جان ابراہم مرکزی کردار نبھا ر ہے ہیں۔

پٹھان نے ریلیز سے قبل ہی پہلے دن کے 4 لاکھ ایڈوانس ٹکٹس فروخت کرنے کا ریکارڈ بھی قائم کیا ہے جبکہ آج بھارت سمیت دنیا بھر کے سنیما گھروں کی زینت بننے والی اس ایکشن تھرلر فلم کو بھرپور پزیرائی مل رہی ہے۔

یہ بھی پڑھیں: 'پٹھان' نے ریلیز سے قبل ٹکٹوں کی فروخت کا ریکارڈ قائم کردیا

سدھارتھ آنند کی ہدایت کاری میں بننے والی فلم کو بھارت سمیت دنیا کے 100 ممالک میں ریلیز کیا گیا ہے جہاں پہلے ہی شاہ رُخ خان کی فلم اور گانوں کےخوب چرچے ہو رہے ہیں۔

فلم میں سلمان خان نے بھی کیمیو رول ادا کیا ہے جہاں وہ چلتی ٹرین میں دھواں دار انٹری دیتے ہوئے شاہ رُخ خان یعنی پٹھان کو بچانے پہنچتے ہیں، شاہ رُخ کے ساتھ سلمان خان کے مداح بھی فلم کے ایکشن سین کی ویڈیو شیئر کرتے ہوئے پسندیدگی کا اظہار کر رہے ہیں۔

Book your tickets now - https://t.co/KMALwZrdw5 | https://t.co/GHjZukrkRq

یاد رہے کہ سوشل میڈیا پر بھی ہر طرف 'پٹھان' کے چرچے ہیں ٹوئٹر پر ہیش ٹیگ پٹھان اور ایس آر کے ٹاپ ٹرینڈ بنا ہوا ہے۔