شاہ سلمان کی ایرانی صدر کو سعودی عرب دورے کی دعوت ایران کا خیرمقدم
ابراہیم رئیسی نے شاہ سلمان کی دعوت کا خیرمقدم کیا ہے، دونوں ممالک کے وزرائے خارجہ میں بھی جلد ملاقات کا امکان
فوٹو؛ فائل
ایرانی صدر ابراہیم رئیسی نے شاہ سلمان کی جانب سے سعودی عرب کے دورے کی دعوت کا خیرمقدم کیا ہے جبکہ ایرانی وزیر خارجہ نے سعودی ہم منصب سے ملاقات کے لیے تین مقامات تجویز کردیے۔
غیرملکی ذرائع ابلاغ کے مطابق ایرانی صدر کے ڈپٹی چیف آف اسٹاف برائے سیاسی امورمحمد جمشیدی نے اپنی ٹوئٹ میں لکھا ہے کہ سعودی فرمانروا نے صدر ابراہیم رئیسی کو ریاض مدعو کرلیا ہے اور دونوں ممالک کے درمیان مضبوط معاشی و سیاسی تعاون پر زور دیا ہے۔
محمد جمشیدی کے مطابق ایرانی صدر نے شاہ سلمان کی دعوت کا خیرمقدم کیا ہے اور کہا ہے کہ ایران سعودی عرب سے تعاون بڑھانے کے لیے تیار ہے۔
غیرملکی ذرائع ابلاغ کے مطابق ایرانی صدر کے ڈپٹی چیف آف اسٹاف برائے سیاسی امورمحمد جمشیدی نے اپنی ٹوئٹ میں لکھا ہے کہ سعودی فرمانروا نے صدر ابراہیم رئیسی کو ریاض مدعو کرلیا ہے اور دونوں ممالک کے درمیان مضبوط معاشی و سیاسی تعاون پر زور دیا ہے۔
محمد جمشیدی کے مطابق ایرانی صدر نے شاہ سلمان کی دعوت کا خیرمقدم کیا ہے اور کہا ہے کہ ایران سعودی عرب سے تعاون بڑھانے کے لیے تیار ہے۔
In a letter to President Raisi, H.E Salman bin Abdulaziz the King of Saudi Arabia welcomed the deal btw the 2 brotherly countries, invited him to Riyadh &called for strong economic/regional cooperation. Raisi welcomed the invitation&stressed Iran's readiness to expand cooperation
ایرانی وزیرخارجہ حسین امیر عبداللہیان کا کہنا ہے کہ وہ سعودی وزیرخارجہ شہزادہ فیصل بن فرحان سے ملاقات کے لیے تیار ہیں۔ ملاقات کے لیے تین مقامات زیرغور ہیں۔
واضح رہے کہ سعودی عرب اور ایران کے درمیان سفارتی تعلقات سات سال سے منقطع تھے تاہم چین کی کوششوں کے نتیجے میں دس مارچ کو دونوں ممالک کے درمیان سفارتی تعلقات بحال ہوگئے۔
سعودی عرب نے شیعہ عالم نمرالنمرکی پھانسی کے بعد ایران میں سعودی سفارتکاروں پر مظاہرین کے حملوں کے بعد ایران سے سفارتی تعلقات ختم کرلیے تھے۔
تاہم تعلقات کی بحالی کے بعد دونوں ممالک میں ایک دوسرے کے سفارت خانے فعال ہوجانے کا امکان ہے۔