عدنان صدیقی نے بجٹ میں فنکاروں کیلئے رقم مختص کرنے کو بڑا قدم قرار دے دیا

بجٹ 2023 میں فن کاروں کی ہیلتھ انشورنس اور فلم فنانس فنڈ کے لیے 3 ارب روپے مختص کرنے کو شوبز فنکار عدنان صدیقی نے بڑا قدم قرار دیا ہے۔

پاکستان اداکار نے ٹویٹر پر ایک پوسٹ لکھی جس میں حکومتی اقدام پر اس کی تحسین کی گئی ہے۔

انہوں نے کہا کہ بجٹ میں پہلی مرتبہ فنکاروں کی ہیلتھ انشورنس اور فلم فنانس فنڈ کیلئے رقم مختص ہونے سے انہیں بے حد خوشی ہوئی ہے۔

اداکار کا کہنا تھا کہ اس رقم کا مختص ہونا فلم انڈسٹری اور فنکاروں کی فلاح و بہبود کیلئے ایک بڑا قدم ہے۔

واضح رہے کہ حکومت کے مطابق اس رقم کے ذریعے پاکستان کے بیانیے، ورثے اور ثقافت کی ترویج میں بہت زیادہ مدد ملے گی۔