ایف آئی اے نے انتہائی مطلوب انسانی اسمگلر کو گرفتار کرلیا
ملزم ساجد احمد 2016 سے انسانی اسمگلنگ اور ٹریفکنگ کے گھناؤنے جرم میں ملوث تھا، ترجمان ایف آئی اے
ملزم نے شہریوں سے انہیں غیر قانونی طور پر بیرون ملک بھیجنے کے لیے رقوم وصول کیں، ترجمان ایف آئی اے(فوٹو: ایکسپریس )
ایف آئی اے نے بڑی کارروائی کرتے ہوئے انتہائی مطلوب انسانی اسمگلر کو گرفتار کر لیا۔
ایکسپریس نیوز کے مطابق ایف آئی اے اینٹی ہیومن ٹریفکنگ سرکل لاہور نے بڑی کارروائی کرتے ہوئے انتہائی مطلوب انسانی اسمگلر کو گرفتار کرلیا۔
ترجمان ایف آئی اے کے مطابق ملزم ساجد احمد کے خلاف اینٹی ہیومن ٹریفکنگ سرکل لاہور میں مقدمہ درج تھا۔
سب انسپکٹر کامران ذیشان کی سربراہی میں ایف آئی اے کی ٹیم نے جدید تکنیکی و تحقیقاتی وسائل کو بروئے کارلاتےہوئے انسانی اسمگلنگ کے مکروہ دھندے میں ملوث اشتہاری کو لاہور سے گرفتار کیا۔
ترجمان کے مطابق ملزم ساجد احمد 2016 سے انسانی اسمگلنگ اور ٹریفکنگ کے گھناؤنے جرم میں ملوث تھا، ملزم نے شہریوں سے انہیں غیر قانونی طور پر بیرون ملک بھیجنے کے لیے رقوم وصول کیں، ملزم کو گرفتار کر کے تفتیش کا آغاز کر دیا گیا ہے۔
ایف آئی اے ترجمان کا کہنا ہے کہ ڈائریکٹر ایف آئی اے لاہور زون سرفراز ورک کی ہدایت پر انتہائی مطلوب ملزمان کی گرفتاری کے لیے چھاپہ مار کارروائیاں جاری ہیں۔
ایکسپریس نیوز کے مطابق ایف آئی اے اینٹی ہیومن ٹریفکنگ سرکل لاہور نے بڑی کارروائی کرتے ہوئے انتہائی مطلوب انسانی اسمگلر کو گرفتار کرلیا۔
ترجمان ایف آئی اے کے مطابق ملزم ساجد احمد کے خلاف اینٹی ہیومن ٹریفکنگ سرکل لاہور میں مقدمہ درج تھا۔
سب انسپکٹر کامران ذیشان کی سربراہی میں ایف آئی اے کی ٹیم نے جدید تکنیکی و تحقیقاتی وسائل کو بروئے کارلاتےہوئے انسانی اسمگلنگ کے مکروہ دھندے میں ملوث اشتہاری کو لاہور سے گرفتار کیا۔
ترجمان کے مطابق ملزم ساجد احمد 2016 سے انسانی اسمگلنگ اور ٹریفکنگ کے گھناؤنے جرم میں ملوث تھا، ملزم نے شہریوں سے انہیں غیر قانونی طور پر بیرون ملک بھیجنے کے لیے رقوم وصول کیں، ملزم کو گرفتار کر کے تفتیش کا آغاز کر دیا گیا ہے۔
ایف آئی اے ترجمان کا کہنا ہے کہ ڈائریکٹر ایف آئی اے لاہور زون سرفراز ورک کی ہدایت پر انتہائی مطلوب ملزمان کی گرفتاری کے لیے چھاپہ مار کارروائیاں جاری ہیں۔