بابراعظم کی سالگرہ پر حسن علی کی بیٹی نے گلدستہ پیش کردیا
فوٹو: ویڈیو گریب
آئی سی سی ورلڈ کپ میں قومی ٹیم کی قیادت کرنے والے بابراعظم نے اتوار کو بھارت میں اپنی 29 ویں سالگرہ منائی۔ بابراعظم کی سالگرہ پر قومی ٹیم کے فاسٹ بولر حسن علی کی بیٹی نے انہیں گلدستہ پیش کیا جس پر بابراعظم نے گلے لگاکر بچی کا شکریہ ادا کیا۔
Happy birthday to Chachu Babar Azam from Hassan Ali's daughter Helena Hassan.
Nothing is more cutest than this. ♥️
2015 میں زمبابوے کے خلاف لاہور میں ڈیبیو کرنے والے بابراعظم ابتک تینوں فارمیٹس کے 264 میچوں میں پاکستان کی نمائندگی کرچکے ہیں جس میں انہوں نے 49.15 کی اوسط سے مجموعی طور پر 12,731 رنز بنائے ہیں۔
وہ دنیا کے ان چند بلے بازوں میں سے ایک ہیں جنہوں نے تینوں فارمیٹس میں سنچری بنائی ہے۔ ٹیسٹ کرکٹ میں ان کا ہائی اسکور 196 ہے جو انہوں نے آسٹریلیا جیسی مضبوط ٹیم کے خلاف بنایا۔
مزید پڑھیں: پاک بھارت میچ: بابراعظم نے شکست کا ذمہ دار کس کو قرار دیا؟
ون ڈے میں ان کا ہائی اسکور 158 ہے، جو انہوں نے جولائی 2021 میں برمنگھم میں انگلینڈ کے خلاف بنایا تھا۔ ٹی ٹوئنٹی میں بابراعظم کا بہترین انفرادی اسکور 122 ہے جو انہوں نے اپریل 2021 میں جنوبی افریقہ کے خلاف بنایا تھا۔
واضح رہے کہ بابراعظم اس وقت ورلڈ کپ میں پاکستانی ٹیم کی قیادت کر رہے ہیں اور گرین شرٹس نے اب تک تین میچ کھیلے ہیں جن میں سے دو میں کامیابی اور ایک میں شکست ہوئی ہے۔
مزید پڑھیں: ورلڈ کپ: بھارت نے یکطرفہ مقابلے کے بعد پاکستان کو شکست دے دی
قومی ٹیم کو ہفتہ کو بھارت کیخلاف 7 وکٹوں سے شرمناک شکست کا سامنا کرنا پڑا تھا تاہم اس میچ میں بھی بابراعظم 50 رنز بناکر پاکستان کی طرف سے ٹاپ اسکورر رہے۔