ٹائم میگزین نے ٹیلر سوئفٹ کو پرسن آف دی ایئر قرار دیدیا

ٹائم میگزین نے عالمی شہرت یافتہ امریکی گلوکارہ ٹیلر سوئفٹ کو "پرسن آف دی ایئر" قرار دے دیا۔

شہرہ آفاق امریکی جریدے ٹائم میگزین نے امریکی گلوکارہ ٹیلر سوفٹ کو سالانہ 'پرسن آف دی ایئر' کے اعزاز سے نوازتے ہوئے اُن کی خدمات کا اعتراف کیا ہے۔

امریکی جریدے ٹائم میگزین نے ٹیلر سوفٹ کی تصویر کو سرورق کی زینت بھی بنایا جو کہ اُنہوں نے اپنے آفیشل ایکس اکاوْنٹ پر پوسٹ بھی کی۔

رواں سال ٹائم میگزین نے 'پرسن آف دی ایئر' کے لیے امریکی گلوکارہ ٹیلر سوفٹ کے علاوہ دیگر 9 امیدواروں کو بھی شارٹ لسٹ کیا تھا جن میں باربی اور ہالی ووڈ کے مشہور اداکار، ولادیمیر پوٹن، چینی صدر شی جن پنگ اور مصنفین شامل تھے۔

واضح رہے کہ ٹائم میگزین ہر سال دسمبر کے آغاز میں 'پرسن آف دی ایئر' کے اعزاز کا اعلان کرتا ہے، گزشتہ سال ٹائم میگزین نے یوکرینی صدر ولادیمیر زیلنسکی کو 'پرسن آف دی ایئر' کے اعزاز سے نوازا تھا جبکہ سال 2021 میں ایکس کے مالک ایلون مسک کو اس اعزاز سے نوازا تھا۔