دعا لیپا کی شاہ رخ خان کے گانے پر شاندار پرفارمنس؛ ویڈیو وائرل
شاہ رخ خان نے اس تصویر کو انسٹاگرام پر شیئر کرتے ہوئے مذاق میں کہا تھا کہ دعا کو ان کے مشہور ڈانس اسٹیپس سیکھنے چاہئیں
برطانوی پاپ اسٹار دعا لیپا نے ممبئی میں شائقین کو حیران کر دیا جب انہوں نے اپنے مشہور گانے ‘لیویٹٹنگ’ کو شاہ رخ خان کے کلاسک بالی ووڈ گانے ‘وہ لڑکی جو’ (فلم: بادشاہ، 1999) کے ساتھ ملا کر پیش کیا۔ یہ شاندار پرفارمنس ہفتے کی رات کو پیش کی گئی اور پورا ہال جھوم اٹھا۔
پرفارمنس کے دوران دعا لیپا نے شائقین کو مخاطب کرتے ہوئے کہا: "میں آپ سب سے محبت کرتی ہوں، ممبئی۔ آپ کی توانائی نے مجھے حیران کر دیا ہے۔ آج کی رات ہمارے لیے ہے، یہ میرے اور آپ کے درمیان خاص لمحہ ہے۔"
شاہ رخ خان کی بیٹی سوہانا خان نے اس لمحے کو انسٹاگرام اسٹوریز پر شیئر کیا، جس کے ساتھ دل، رقص اور مزاحیہ ایموجیز کا استعمال کیا۔