ویوین دسینا کو بحرین حکومت نے اعزاز سے نواز دیا

ویوین دسینا نے اس موقع پر اظہار تشکر کرتے ہوئے کہا کہ ’میں بے حد خوش اور شکر گزار ہوں کہ مجھے اتنا پیار ملا ۔ میں ہمیشہ سے مانتا آیا ہوں کہ محنت اور خلوص کی کوئی سرحد نہیں ہوتی، اور یہ اعزاز میرے اس عقیدے کو مزید مضبوط کرتا ہے‘۔

انہوں نے بحرین کے مداحوں کا بھی شکریہ ادا کیا اور کہا کہ ان کی محبت اور حمایت نے ان کے سفر کو یادگار بنا دیا۔ انہوں نے مزید کہا کہ بحرین ہمیشہ ان کے دل کے قریب رہے گا۔

یاد رہے کہ بھارتی ٹی وی اداکار ویوین دسینا ’مدھوبالا‘، ’شکتی‘ اور ’صرف تم‘ جیسے ڈراموں میں اپنی اداکاری کے لیے جانے جاتے ہیں، ویوین حال ہی میں رئیلٹی شو بگ باس 18 میں بھی رنر اپ رہے۔