پی ٹی آئی رہنما سیمابیہ طاہر کو تحویل میں لے لیا گیا
سیمابیہ طاہر تھانہ نیو ٹاؤن میں درج مقدمہ میں ملزمہ ہیں، پیشی کیلئے اڈیالہ جیل آئی تھیں۔
فائل فوٹو
پاکستان تحریک انصاف (پی ٹی آئی) کی رہنما سیمابیہ طاہر کو اڈیالہ جیل کے گیٹ سے تحویل میں لے لیا گیا۔
رپورٹ کے مطابق سیمابیہ طاہر کو پولیس چوکی اڈیالہ منتقل کر دیا گیا، زرائع کے مطابق سیمابیہ طاہر تھانہ نیو ٹاؤن میں درج مقدمہ میں ملزمہ ہیں، وہ پیشی کیلئے اڈیالہ جیل میں قائم عدالت میں پیشی کے لیے آئی تھیں۔
سیمابیہ طاہر کی گرفتاری پر پولیس کی جانب سے تفصیلات سامنے نہیں لائی گئیں۔
26نومبر احتجاج پر درج مقدمہ کے تفتیشی آفیسر انسپکٹر راشدکیانی بھی تھانہ نیو ٹاؤن روانہ ہو گئے، سیمابیہ طاہر کے وکلاء بھی اڈیالہ سے تھانہ نیو ٹاؤن روانہ ہو گئے۔