گوسپ گرل اسٹار 39 برس کی عمر میں انتقال کرگئیں
معروف امریکی اداکارہ گھر میں مردہ حالت میں پائی گئیں ہیں
ہالی ووڈ میں بطور چائلڈ اسٹار قدم رکھنے والی معروف امریکی اداکارہ مشیل ٹریچٹن برگ 39 سال کی عمر میں انتقال کرگئیں۔
غیر ملکی خبر رساں ادارے کی رپورٹ کے مطابق اداکارہ مشیل ٹریچٹن برگ اپنے ڈرامے ’بفی دی ویمپائر سلیئر‘ اور ’گوسپ گرل‘ کیلئے مشہور تھیں۔ اداکارہ کو ان کے گھر میں مردہ حالت میں پایا گیا ہے۔
پولیس کا کہنا ہے کہ انہیں بدھ کی صبح 8 بجے نیویارک سٹی میں ان کے اپارٹمنٹ سے ایک ایمرجنسی کال موصول ہوئی، جہاں پہنچ کر پولیس نے مشیل ٹریچٹن کو بے ہوش پایا۔ تاہم طبی عملے نے موقع پر ہی ان کی موت کی تصدیق کر دی تھی۔