چہرے پر سب سے زیادہ بالوں کا عالمی ریکارڈ قائم

بھارت سے تعلق رکھنے والے 18 سالہ نوجوان کو دنیا کے سب سے بالوں والے چہرے کے لیے گنیز ورلڈ ریکارڈ سے نوازا گیا۔

حکام نے پیمائش کی کہ للت پاٹیدار کے چہرے کی جلد پر فی مربع سینٹی میٹر میں 201.72 بال تھے۔

بالوں کی نشوونما کی ایک نایاب طبی حالت ہائپرٹرائچوسس میں مبتلا للت نے ریکارڈ کا مردانہ ورژن حاصل کیا ہے، اس حالت کو وروولف سنڈروم بھی کہا جاتا ہے۔

خیال کیا جاتا ہے کہ یہ حالت ایک ارب میں سے صرف ایک کو متاثر کرتی ہے۔ قرون وسطی سے لے کر اب تک صرف 50 کے قریب دستاویزی کیسز رپورٹ ہوئے ہیں۔

انہوں نے گنیز ورلڈ ریکارڈ کو بتایا کہ بچپن سے ہی اس کے چہرے پر 90 فیصد سے زیادہ بال ہیں۔ انہوں نے مزید کہا کہ اسکول میں دوسرے بچے ان سے ڈرتے تھے لیکن جب انہوں نے انہیں جاننا اور ان سے بات کرنا شروع کی تو وہ سمجھ گئے کہ میں ان سے اتنا مختلف نہیں ہوں اور یہ صرف باہر سے ہی مختلف نظر آتا ہے۔