صرف 6 کلو وزن بڑھا ہے موٹی نہیں ہوئی، کومل میر کا تنقید پر ردعمل

کومل میر کا کہنا تھا، ’مجھے سمجھ نہیں آتی لوگ مجھے موٹا کیوں کہہ رہے ہیں۔ جب میں دبلی تھی، تب بھی لوگ تنقید کرتے تھے۔ میں صرف 6 کلو وزنی ہوئی ہوں اور وہ بھی ایک ڈرامہ کردار کے لیے۔ یہ ایک اچھا پراجیکٹ تھا، جس کے لیے میں نے باقاعدہ وزن بڑھایا کیونکہ میں ہمیشہ سے انڈر ویٹ رہی ہوں۔‘

کوسمیٹک سرجری سے متعلق سوال پر انہوں نے واضح کیا کہ ’آج کل عام لوگ مشہور شخصیات سے زیادہ کاسمیٹک پروسیجرز کرواتے ہیں، لیکن میں نے کچھ نہیں کروایا۔ لوگ میرے گال دیکھتے ہیں لیکن میری ڈبل چن نہیں دیکھتے۔‘

انہوں نے مزید کہا کہ جو لوگ میرے وزن پر تنقید کر رہے ہیں، ان سے کہوں گی کہ حسد نہ کریں۔ مجھے سانس لینے دیں، میں جِم جاؤں گی اور اپنا جسم ٹون کر لوں گی۔ ڈائیٹ پلان بھی جلد شیئر کروں گی۔