طلاق کی افواہوں کے درمیان ایشوریا نے شادی کی 18ویں سالگرہ پر ابھیشیک کے ساتھ تصویر شیئر کردی
گزشتہ کچھ ماہ سے یہ دعویٰ کیا جا رہا تھا کہ ایشوریا اور ابھیشیک کے درمیان علیحدگی ہو چکی ہے
علیحدگی کی افواہوں کے درمیان بھارتی اسٹار جوڑی ایشوریا رائے اور ابھیشیک بچن نے بیٹی کے ہمراہ تصویر شیئر کردی۔
بالی ووڈ اداکارہ ایشوریا رائے بچن نے حال ہی میں اپنے شوہر ابھیشیک بچن اور بیٹی آرادھیا کے ساتھ ایک تصویر سوشل میڈیا پر شیئر کی ہے، یہ تصویر اداکارہ نے اپنی شادی کی 18ویں سالگرہ کے موقع پر شیئر کی ہے جس سے ان کی علیحدگی کی افواہیں دم توڑ گئی ہیں۔
البتہ یہ پہلا موقع ہے کہ ایشوریا نے کئی ماہ بعد شوہر کے ساتھ کوئی تصویر عوامی سطح پر پوسٹ کی ہے۔ پوسٹ کے ساتھ صرف ایک سفید دل کا ایموجی شامل کیا گیا، اور کوئی کیپشن درج نہیں ہے۔