ہانیہ عامر کا بھارتی میڈیا کو منہ توڑ جواب، خود سے منسوب جھوٹی خبروں کی سختی سے تردید

انہوں نے کہا کہ غلط معلومات کو پھیلانا نہ صرف فردِ واحد کے لیے نقصان دہ ہے بلکہ اس سے مجموعی سماجی فضا بھی متاثر ہو سکتی ہے۔ اداکارہ نے مداحوں اور عوام سے گزارش کی کہ وہ تصدیق شدہ معلومات پر ہی بھروسہ کریں اور غیر مصدقہ خبروں سے گریز کریں۔

ہانیہ عامر کا کہنا تھا کہ بھارتی میڈیا کی جانب سے ان سے منسوب کئے جانے والے بیانات کا ان سے کوئی تعلق نہیں ہے اور سوشل میڈیا پر بھی ان سے متعلق پھیلائے گئے جھوٹے بیانات سے ان کا کوئی تعلق نہیں ہے اور یہ بیانات جھوٹ پر مبنی ہیں۔
 

یاد رہے کہ گزشتہ 2 دن سے بھارتی میڈیا کی جانب سے اداکارہ ہانیہ عامر کا نام لے کر جھوٹی خبریں پھیلائی جارہی تھیں۔ یہ بھارتی عوام اور ہانیہ عامر کے بھارتی مداحوں کو اداکارہ کیخلاف کرنے کی سازش تھی ساتھ ہی بھارتی میڈیا اپنے روایتی انداز میں ہانیہ عامر کو ملک مخالف جھوٹی پوسٹ کے ذریعے بدنام کرنے کی کوشش کر رہا تھا جس کا ہانیہ عامر نے منہ توڑ جواب دیا ہے۔