چھٹی منزل سے گرنے کے باوجود 80 سالہ خاتون زندہ بچ گئیں
روس میں ایک حیران کُن واقعے میں 80 خاتون چھٹی منزل سے گرنے کے باوجود زندہ بچ گئیں۔
روس کے شہر یکاترنبرگ سے تعلق رکھنے والی 80 سالہ خاتون اپنی چھٹی منزل کے اپارٹمنٹ کی کھڑکی سے گریں اور نیچے کھڑی گاڑی کی چھت پر گریں۔
حادثہ گزشتہ جمعرات کو پیش آیا جب نامعلوم عمر رسیدہ خاتون اپنے اپارٹمنٹ کی کھڑکیاں صاف کر رہی تھیں۔
تاہم اسی دوران لاپروائی کے نتیجے میں خاتون کھڑکی سے نیچے گریں جسے سی سی ٹی وی کیمروں نے ریکارڈ کر لیا۔
تب سے یہ ویڈیو روسی سوشل میڈیا پر گردش کر رہی ہے۔ حیرت انگیز طور پر نیچے کھڑی کار کی چھت پر گرنے کے چند ہی لمحوں بعد 80 سالہ خاتون کھڑی ہونے میں کامیاب ہو جاتی ہیں۔
Une femme de 80 ans est tombée d'un balcon du sixième étage sur le toit d'une voiture alors qu'elle était entrain de faire le ménage. Non seulement elle a survécu, mais elle est partie comme si de rien n'était. Cet incident s'est produit à Ekaterinbourg, en Russie. pic.twitter.com/q4EYuf8eTX
خاتون کا اس طرح گرنا غیر محفوظ دکھائی دیتی ہے لیکن خاتون معجزانہ طور پر بچ جاتی ہیں۔ گرنے کے بعد خاتون نے ایک پڑوسی کو مدد کے لیے بھی پکارا جس نے انہیں مقامی اسپتال میں داخل کرایا تاکہ یہ یقینی بنایا جا سکے کہ وہ ٹھیک ہیں۔