سری لنکا میں نمک کا بحران شدت اختیار کر گیا

جنوبی ایشیا میں سمندر سے گھرے ملک سری لنکا میں نمک کا بحران شدت اختیار کر گیا۔ شہری دُگنی قیمت سے زیادہ میں نمک خریدنے پر مجبور ہوگئے۔

سری لنکا (بحر ہند میں موجود جزیرہ) کو اس وقت شدید بارشوں کے باعث نمک کی قلت کا سامنا ہے۔

قلت کی وجہ سے سری لنکن شہری معمول کی قیمت سے دُگنی سے زیادہ قیمت پر نمک خریدنے پر مجبور ہیں۔ نمک کا ایک کلو گرام کا پیکٹ اس وقت 412 سے 469 پاکستانی روپے کے درمیان فروخت کیا جا رہا ہے۔

سری لنکن شہری مارکیٹوں میں نمک کے خالی شیلف کی تصاویر سوشل میڈیا پر پوسٹ کر رہے ہیں اور نمک کی تلاش کے متعلق بتا رہے ہیں۔

ڈیلی مرر کی ایڈیٹر جمیلہ حسین نے سماجی رابطے کے پلیٹ فارم ایکس پر کہا کہ نمک کی شدید قلت ہے۔ سپر مارکیٹوں میں نمک کے شیلف خالی ہو رہے ہیں۔

There is a severe shortage of salt.

Supermarket shelves are running out of salt and consumers are getting frustrated!

— Jamila Husain (@Jamz5251) May 21, 2025

ایک اور صارف نے ٹویٹ میں لکھا کہ کئی دنوں کی تلاش کے بعد بالآخر نمک بورالیسگووما (شہر) سے مل گیا۔

Had to hunt for salt for the past few days and finally found salt in Boralasgamuwa
Another day in Sri Lanka
Wonder if we cant get rid of the shortages with AI pic.twitter.com/binvq170aA

— Tomes Reader (@TomesReader) May 15, 2025