وزن کیسے کم کیا؟ بلاول بھٹو کے جواب کی ویڈیو وائرل
پاکستان پیپلز پارٹی کے چیئرمین بلاول بھٹو زرداری نے وزن کم کرنے کا راز بتا دیا۔
رپورٹ کے مطابق کچھ ہی عرصے کے دوران چیئرمین پیپلزپارٹی بلاول بھٹو زرداری نے اپنا وزن کافی حد تک کم کرلیا ہے، جس کے بعد سوشل میڈیا پر اس حوالے سے مختلف قیاس آرائیاں کی جا رہیں تھی۔
بلاول بھٹو زرداری کا وزن اچانک کم ہونے پر سوشل میڈیا پر افواہیں تھیں کہ پی پی چیئرمین کو مبینہ طور پر ذیابیطس لاحق ہے، تاہم اب انہوں نے اپنی فٹنس کا راز بتا یا ہے، میڈیا سے گفتگو کے دوران صحافیوں نے ان سے اس حوالے سے سوال کیا۔
اس کے جواب میں بلاول بھٹو نے کہا کہ چینی اور روٹی کھانا بند کردیں، اور ورزش شروع کریں۔
بلاول بھٹو ان دنوں پاکستان کے اعلیٰ سطح کے پارلیمانی وفد کے ہمراہ امریکا میں موجود ہیں، پاکستانی وفد بھارت کی حالیہ آبی و فوجی جارحیت اور جنوبی ایشیا کی صورتحال پر پاکستانی مؤقف کو اجاگر کر رہا ہے، پارلیمانی وفد کی قیادت بلاول بھٹو زرداری کر رہے ہیں۔
This message is for the haters — take note! If you're looking to lose weight, here's a tip: “cut down on sugar, eat healthy, exercise regularly, and hit the gym. It's all for your own good and helps maintain a healthy weight,” — said Chairman @BBhuttoZardari! 🏹🔥 pic.twitter.com/s41XfRJtiQ