لاہو؛ چور پرانی موٹر سائیکل چھوڑ کر نئی لے اڑے، ویڈیو سامنے آگئی
موٹر سائیکل چوری ہونے پر متاثرہ شہری نے ایمرجنسی ہیلپ لائن 15 پر کال کی، ترجمان سیف سٹی
لاہور:
گلشن راوی کے علاقے میں چور انوکھی واردات کرتے ہوئے پرانی موٹر سائیکل چھوڑ کر نئی لے اڑے، جس کی ویڈیو بھی سامنے آگئی۔
سیف سٹی کیمروں میں نئی موٹرسائیکل چوری کرتے ویڈیو سامنے آگئی، جس پر ملزمان کو گرفتار کر لیا گیا۔
گلشن راوی سے موٹر سائیکل چوری ہونے پر متاثرہ شہری نے ایمرجنسی ہیلپ لائن 15 پر کال کی۔ کال موصول ہوتے ہی ورچوئل پیٹرولنگ آفیسر نے کیمروں سے ٹریسنگ شروع کی۔
ترجمان سیف سٹی کے مطابق سیف سٹی کی معلومات پر پولیس نے موٹر سائیکل چور کو گرفتار کر لیا، سیف سٹی کیمروں کی بدولت جرائم کی فوری نشاندہی اور ملزمان کی گرفتاری ممکن ہو رہی ہے۔
ترجمان کا کہنا تھا کہ شہری کسی بھی مشکوک سرگرمی یا ایمرجنسی کی صورت میں فوری طور پر 15 پر کال کریں۔