واشنگٹن میں 33 فٹ لمبا ڈومینو ٹاور تعمیر کرنے کا عالمی ریکارڈ قائم

امریکا میں ایک یوٹیوبر اور انکی ٹیم نے سب سے بلند ڈومینو ٹاور کھڑا کرکے نیا عالمی ریکارڈ قائم کردیا ہے۔

واشنگٹن ڈی سی میں نییشنل بلڈنگ میوزیم میں للی ہاویش نامی یوٹیوبر اور ان کی ٹیم نے 33 فٹ 2.74 انچ لمبا ڈومینو ٹاور تعمیر کر کے گنیز ورلڈ ریکارڈ توڑ دیا ہے۔ پچھلا ریکارڈ 32 فٹ 10.8 انچ کا تھا

ٹیم نے پانچ دن میں یہ ڈھانچہ کھڑا کیا اور اس میں ایک خاص "octo-tower" تکنیک کا استعمال کیا گیا۔ تعمیر کے بعد ٹیم نے ایک کھلونا ٹاور کی چوٹی پر پھینک کر کامیابی کو نشان زد کیا۔

ٹاور کے آخر میں تقریباً 100,000 ڈومینو بلاکس 8 منٹ تک گرائے گئے۔ شہریوں کا کہنا تھا کہ میوزیم کے مرکزی ہال میں ایک مکمل فن پارہ تخلیق کیا گیا ہے۔