افغان ٹیکسی ڈرائیوروں کا گاڑی میں اے سی سسٹم لگانے کا انوکھا طریقہ

افغان شہر قندھار کے ٹیکسی ڈرائیوروں نے شدید گرمی سے نمٹنے کے لئے ایک انوکھا اے سی سسٹم تخلیق کیا ہے۔

تفصیلات کے مطابق ڈرائیور اپنے تخلیق کردہ اس اے سی سسٹم کو اپنی ٹیکسیوں کی چھت پر نصب کرتے ہیں تاکہ سواروں کو ٹھنڈی ہوا مہیا کی جا سکے۔ دراصل قندھار میں گرمی کی شدت عموماً 40 ڈگری سے تجاوز کر جاتی ہے، اور روایتی AC نظام اکثر خراب ہوجاتے ہیں اور مہنگے ہوتے ہیں۔

ہر ٹیکسی کی چھت پر پلاسٹک کا ایک ڈبہ یا کولر لگا ہوتا ہے جس میں پانی یا پانی اور برف کا مکسچر ہوتا ہے۔

اس خانے سے باہر ایک ایگزاسٹ ٹیوب رکھی جاتی ہے جو ہوا کو گاڑی کے اندر مسافر کھڑکی سے اندر بھیجتی ہے۔ یہ یونٹ گاڑی کی بیٹری سے جوڑا جاتا ہے اور دن میں تقریباً دو بار پانی بھرا جاتا ہے۔

علاوہ ازیں بعض ٹیکسیوں پر سولر پینل  بھی نصب کیے گئے ہیں تاکہ بجلی بچائی جا سکے۔

ایک 32 سالہ ٹیکسی ڈرائیور گل محمد نے بتایا کہ تیز گرمی میں اے سی کام نہیں کر رہا ہوتا اور مرمت مہنگی ہوتی ہے، اس لئے ایک ٹیکنیشن سے یہ کولر بنوایا۔

دوسرے ڈرائیور عبدالباری نے کہا کہ یہ روایتی اے سی سے بہتر کام کرتا ہے۔ یہ پورا اندر کا حصہ ٹھنڈا کر دیتا ہے۔