چین کے شی شیا شاہی مقبرے کو عالمی ثقافتی ورثے میں شامل کر لیا گیا

فرانس میں یونیسکو کے 47 ویں عالمی ثقافتی ورثہ کے اجلاس میں ایک قرارداد کے ذریعے چین کی جانب سے نامزد "شی شیا شاہی مقبرے” کو عالمی ثقافتی ورثے میں شامل کر لیا گیا۔

چین  کے میڈیا کی رپورٹ کے مطابق "شی شیا شاہی مقبرے” چین کے شمال مغربی علاقے نینگ شیا ہوئی کے خود مختار علاقے کے شہر  ینچوان میں واقع 11ویں سے 13ویں صدی کے درمیان تانگ شیانگ قومیت کی  قائم کردہ شی شیا بادشاہت (1038–1227) کے شاہی مقبروں کے آثار کا مجموعہ ہے۔

اس حوالے سے بتایا گیا کہ شی شیا شاہی مقبرے کی شمولیت کے بعد چین کے عالمی ثقافتی ورثہ کے مقامات کی تعداد 60 تک پہنچ گئی۔

رپورٹ میں بتایا گیا کہ یہ شی شیا شاہی دور  کے اب تک محفوظ شدہ سب سے بڑا، اعلیٰ ترین درجے کا اور جامع ترین آثار قدیمہ کا مقام ہے۔

مزید بتایا گیا کہ یہ شاہراہ ریشم پر شی شیا بادشاہت کی ایک اہم کڑی اور مرکزی حیثیت کے حوالے سے ثبوت کا مظہر ہے۔