سدھارتھ ملہوترا اور کیارہ ایڈوانی کے ہاں ننھی پری کی پیدائش
کیارہ اور سدھارتھ کی پوسٹ پر مداحوں اور ساتھی اداکاروں کی جانب سے مبارکباد اور نیک تمناؤں کا اظہار کیا جارہا ہے
بالی ووڈ کی مشہور اداکار جوڑی سدھارتھ ملہوترا اور کیارہ ایڈوانی کے ہاں بیٹی کی پیدائش ہوئی ہے۔
کیارہ اور سدھارتھ نے اپنی بیٹی کی پیدائش کی خوشخبری مداحوں کے ساتھ سوشل میڈیا شیئر کی۔ جوڑے نے انسٹاگرام پر ایک مشترکہ پوسٹ میں بتایا کہ ان کے ہاں پہلے بچے کی پیدائش ہوئی ہے اور وہ ایک ننھی پری کے والدین بن گئے ہیں۔
پوسٹ کے کیپشن میں لکھا تھا کہ "ہمارے دل خوشی سے بھر گئے ہیں اور ہماری دنیا ہمیشہ کے لیے بدل گئی ہے۔ ہمیں ایک بیٹی کی نعمت ملی ہے،"