ٹی وی اینکر جیسمین منظور کا سابق شوہر پر تشدد کا الزام، تصاویر بھی شیئر کردیں
ملک کی معروف اینکر پرسن جیسمین منظور نے اپنے سابق شوہر پر تشدد کا الزام لگاتے ہوئے اپنے زخموں کی تصاویر سوشل میڈیا پر شیئر کردیں۔
سماجی رابطے کی ویب سائٹ ایکس اکاؤنٹ پر انہوں نے اپنی متعدد تصاویر شیئر کیں جن میں انکے چہرے کو زخمی دیکھا جا سکتا ہے، تاہم یہ واضح نہیں ہے کہ یہ تصاویر کب کی ہیں۔
اپنے بیان میں انہوں نے لکھا کہ ’یہ میں ہوں، یہ میری کہانی ہے، میری زندگی پُرتشدد آدمی نے تباہ کردی اور میں اپنا انصاف اپنے اللہ پر چھوڑتی ہوں‘۔
This is me . Yes this is my story my life destroyed by violent man. I leave my justice to my Allah pic.twitter.com/jZbwdnJ43u
اپنے ایک اور ٹوئٹ میں شوہر کی حمایت کرنے والوں کو جواب دیتے ہوئے لکھا کہ ’یہ ان لوگوں کے لیے ہے جنہوں نے ایک مجرم کی طرف داری کی، یہ میرے سابق شوہر کا دیا گیا تحفہ ہے‘۔
And all those who stood up for a criminal like you
ایک اور پوسٹ میں جیسمین منظور نے کہا ’یہ کسی کے ساتھ بھی ہوسکتا ہے، گھر محفوظ ہونے کے باوجود دنیا میں کوئی محفوظ نہیں ہے، سب سے خطرناک اس دنیا میں وہ لوگ ہیں جن پر آپ آنکھیں بند کرکے بھروسہ کرتے ہیں‘۔
This can happen to anyone no one is safe even in the safety your house the most dangerous people are the ones you trust blindly pic.twitter.com/wjY765FWz9
ٹی وی میزبان نے لکھا کہ ان پر بدترین تشدد کرنے کے باوجود ان کے سابق شوہر جناح ہسپتال میں گزشتہ 6 ماہ کے دوران عیاشی کی زندگی گزار رہے ہیں۔
And can you believe it he is sitting in Jinnah hospital since 6 months enjoying his freedom what a shameful and pathetic system we have unbelievable