بین الاقوامی اداروں میں سینئر پاکستانی ماہرین کی تعیناتیوں کے عمل کا جائزہ

بین الاقوامی اداروں میں سینئر پاکستانی ماہرین کی تعیناتیوں کے عمل کا جائزہ لینے کے لیے نائب وزیرِ اعظم و وزیر خارجہ سینیٹر محمد اسحاق ڈار  کی زیر صدارت ایک اعلیٰ سطحی اجلاس منعقد ہوا۔ 

اجلاس میں بین الاقوامی اداروں میں پاکستانی ماہرین کی تعیناتی و شمولیت کے عمل کا جائزہ لیا گیا، اجلاس میں عالمی سطح پر پاکستان کی مؤثر نمائندگی، شفافیت، اور میرٹ کی بنیاد پر تقرریوں کو یقینی بنانے پر خصوصی زور دیا گیا۔

اجلاس میں وفاقی وزرائے اقتصادی امور اور موسمیاتی تبدیلی، معاونِ خصوصی طارق باجوہ، وزیرِ مملکت برائے ریلوے، سیکرٹریز اسٹیبلشمنٹ و اقتصادی امور ڈویژن (EAD)، اور متعلقہ وزارتوں کے سینئر حکام نے شرکت کی۔

اجلاس میں گفتگو کرتے ہوئے  اسحاق ڈار نے کہا کہ  تمام بین الاقوامی تعیناتیوں کے لیے اہلیت، شفاف طریقہ کار اور قومی مفادات کو اولین ترجیح دی جائے، پاکستان کی عالمی ساکھ مزید بہتر ہو اور قومی اہداف کے حصول میں مؤثر کردار ادا کیا جا سکے۔