اسکردو میں پاک آرمی کا ریسکیو آپریشن، سیاحوں کا خراج تحسین

اسکردو میں شدید بارش اور لینڈ سلائیڈنگ میں پھنسے سیاحوں کو پاک آرمی نے ریسکیو کرلیا، پاک آرمی کے فوری ریسکیو آپریشن کو سیاحوں کی جانب سے سراہا جا رہا ہے۔

خاتون سیاح نے بتایا کہ ہم کراچی سے اسکردو آئے تھے، دیوسائی کے مقام پر سیلاب کے باعث ہماری گاڑیاں ڈوب گئیں، الحمد اللہ پاک آرمی نے فوری طور پر ہمیں ریسکیو کیا۔

خاتون سیاح کا کہنا تھا کہ پاک فوج ریسکیو کیے گئے سیاحوں کو طبی امداد اور کھانا بھی فراہم کر رہی ہے، ہمیں مکمل بھروسہ ہے کہ کسی طرح کی بھی ناگہانی آفت میں ہماری آرمی ہمیں ریسکیو کر لے گی۔