پنجاب پولیس کو جاپان پولیس کی طرز پر انفراریڈ اور الٹرا سانک ٹیکنالوجی سے لیس کرنے کا فیصلہ 

وزیراعلیٰ مریم نواز شریف نے ٹوکیو کے ٹریفک کنٹرول روم میں جدید AI اور انفرا ریڈ ٹیکنالوجی کا مشاہدہ کیا، جس سے شہریوں کو موسمی اور حادثاتی اطلاعات فوری ملتی ہیں۔پنجاب کے بڑے شہروں میں ٹریفک نظام کی جدید کاری کے لیے یہ تجربات نافذ کیے جائیں گے۔#CMMaryamInJapan pic.twitter.com/HMuAUQdwZZ

وزیراعلیٰ پنجاب مریم نواز شریف کو جاپان پولیس سسٹم کے نگران ادارے کے بارے میں بریفنگ دی گئی جس میں بتایا گیا کہ  نیشنل پولیس ایجنسی جاپان کے امپیریل گارڈز کی کارکردگی کی نگرانی کرتی ہے۔

بریفنگ میں بتایا گیا کہ جاپان پولیس کے تمام محکمے نیشنل پولیس ایجنسی سے منسلک ہیں، نیشنل پولیس ایجنسی جاپان پولیس کی محکمانہ پالیسیوں کا بھی تعین کرتی ہے، نیشنل پبلک سیفٹی کمیشن جاپان کی نیشنل پولیس ایجنسی کا نگران ہے۔

بریفنگ کے مطابق نیشنل پولیس ایجنسی تمام دیگر سکیورٹی محکموں کو ہنگامی صورتحال اور قدتی آفات کے دوران رہنمائی فراہم کرتی ہے۔

وزیراعلیٰ مریم نواز شریف نے نیشنل پولیس ایجنسی سسٹم کو سراہا اور کہا کہ جاپان میں امن وامان کی صورتحال قابل تقلید ہے، پنجاب میں پولیس کو جدید خطوط پر استوار کر رہے ہیں۔

انہوں نے کہا کہ پنجاب پولیس کو پیشہ ورانہ انداز میں کام کرنے کی آزادی دی ہے، پنجاب پولیس کی معاونت اور جرائم کے خاتمے کے لئے کرائم کنٹرول ڈیپارٹمنٹ کا نیا ادارہ قائم کیا ہے، کرائم کنٹرول ڈیپارٹمنٹ سے پنجاب میں امن وامان کی صورتحال بہتر ہوئی۔

مریم نواز نے کہا کہ کرائم کنٹرول ڈیپارٹمنٹ بننے کے بعد پنجاب میں پہلی مرتبہ جرائم کا گراف 70 فیصد سے بھی نیچے آچکا ہے، امن اور ترقی میرا مشن ہے۔

"وزیراعلیٰ پنجاب مریم نواز شریف کا ٹوکیو کے جدیدترین ٹیکنالوجی کے شاہکار ٹریفک کنٹرول مرکز کا دورہ"

🔻وزیراعلیٰ مریم نواز شریف کوٹریفک کنٹرول روم کے کام اور استعمال ہونے والی ٹیکنالوجی کے بارے میں تفصیلی بریفنگ دی گئی

🔻ٹریفک کنٹرول اور مانیٹرنگ کے لئے، ٹوکیو کو ’ انفرا ریڈ… pic.twitter.com/HeYeYHPp6l