فیروز خان کی اہلیہ کے گھریلو تشدد سے متعلق بیان نے نئی بحث چھیڑ دی
پاکستان شوبز کے اداکار فیروز خان کی اہلیہ ڈاکٹر زینب فیروز کے حالیہ بیان نے سوشل میڈیا پر ایک نئی بحث چھیڑ دی ہے۔
ماہرِ نفسیات ڈاکٹر زینب ڈاکٹر زینب فیروز نے حال ہی میں گھریلو تشدد کے خلاف ایک سوشل میڈیا پوسٹ پر اپنی رائے کا اظہار کیا، جس میں انہوں نے واضح طور پر کہا کہ تشدد کبھی بھی محبت کی علامت نہیں ہو سکتا اور کسی بھی خاتون کو اپنی عزتِ نفس پر سمجھوتہ نہیں کرنا چاہیے۔
یہ بیان ایسے وقت سامنے آیا جب سوشل میڈیا پر ڈاکٹر نبیہ علی خان کی ایک ویڈیو وائرل ہوئی جس میں وہ گھریلو تشدد کو جواز دینے کی کوشش کر رہی تھیں۔ ڈاکٹر زینب کا اس ویڈیو پر کمنٹ اس بیانیے کی سخت مخالفت کے طور پر سامنا آیا۔
تاہم سوشل میڈیا صارفین نے اس بیان کے بعد فیروز خان کی اہلیہ کو ان کے شوہر کے ماضی پر تنقید کا نشانہ بنا دیا۔ بعض صارفین نے کہا کہ ڈاکٹر زینب کو سب سے پہلے یہ نصیحت اپنے شوہر کو دینی چاہیے جو اپنی سابقہ اہلیہ پر تشدد کر چکے ہیں۔
کچھ نے ان پر یہ الزام بھی عائد کیا کہ انہوں نے اپنے مریض سے شادی کرکے پیشہ ورانہ ضابطے کی خلاف ورزی کی۔ سوشل میڈیا صارفین نے یہ بیان فیروز خان کی امیج کو بہتر بنانے کی کوشش بھی قرار دیا۔