وزیراعظم شہباز شریف کا سعودی شہزادہ فہد بن مقرن کی والدہ کے انتقال پر اظہارِ تعزیت
وزیراعلیٰ پنجاب مریم نواز نے بھی مرحومہ کے لیے بلندی درجات کی دعا اور سوگوار خاندان سے افسوس کا اظہار کیا ہے
فوٹو: فائل
اسلام آباد:
وزیراعظم شہباز شریف نے سعودی شہزادہ فہد بن مقرن بن عبد العزیز آل سعود کی والدہ کی وفات پر تعزیت کا اظہار کرتے ہوئے سعودی شاہی خاندان سے اظہار افسوس کیا ہے۔
انہوں نے مرحومہ کے درجات کی بلندی اور اہل خانہ کے لیے صبر کی دعا کی ہے۔
مریم نواز کا اظہارِ افسوس
دریں اثنا وزیراعلیٰ پنجاب مریم نواز شریف نے بھی سعودی شہزادہ فہد بن مقرن بن عبدالعزیز آل سعودکی والدہ کی وفات پر اظہار افسوس کرتے ہوئے سوگوار خاندان سے ہمدردی و اظہار تعزیت کا اظہار کیا ہے۔
انہوں نے مرحومہ کے درجات کی بلندی اور اہل خانہ کے لیے صبروہمت کی دعا کی۔
یاد رہے کہ گزشتہ روز سعودی شاہی ایوان کی جانب سے جاری بیان میں بتایا گیا تھا کہ سعودی شہزادہ فہد بن مقرن بن عبد العزیز آل سعود کی والدہ انتقال کر گئی ہیں۔