اداکاری کب سیکھو گے؟ فلمساز نبیل قریشی کا فہد مصطفیٰ سے سوال

شوبز کی دنیا میں فنکاروں کی ایک دوسرے کے ساتھ جہاں ناراضگیاں اور رنجشیں ہوتی ہیں وہیں آپس میں ہنسی مذاق اور چٹکلوں کا قہقہوں بھرا سلسلہ بھی ہوتا ہے۔

ایسا ہی کچھ اس بار ہوا جب معروف فلم ساز نبیل قریشی نے اپنے گہرے دوست اداکار اور میزبان فہد مصطفیٰ پر مزاحیہ انداز میں "طنز کا تیر" چھوڑ دیا۔

واقعہ کچھ یوں ہے کہ اداکار ببرک شاہ نے ایک ٹی وی شو میں کئی اداکاروں کے بارے میں کھل کر بات کی۔ جس میں فواد خان کو "اوور ریٹڈ" اور عمران عباس کو فلموں کے لیے غیر موزوں اداکار قرار دیا۔

ببرک شاہ نے مزید کہا کہ فہد مصطفیٰ میرے خیال میں طارق عزیز کی طرح بہترین ہوسٹ تو ہیں لیکن اداکاری ان کے بس کی بات نہیں۔

یہ جملہ دیکھتے ہی دیکھتے وائرل ہوگیا اور صارفین نے کمنٹس میں خوب مزاحیہ تبصرے کیے۔