لاہور:ڈی آئی جی آپریشنز فیصل کامران کی اقبال ٹاؤن ڈویژن سے ملاقات، کارکردگی کا جائزہ
ڈی آئی جی آپریشنز فیصل کامران کی اقبال ٹاؤن ڈویژن سے انسدادِ جرائم سے متعلق ملاقات ہوئی۔
ملاقات میں ایس پی سیکیورٹی، ایس پی اقبال ٹاؤن، ایس ڈی پی اوز،ایس ایچ اوز، چوکی انچارج نے بھی شرکت کی۔
میٹنگ میں اقبال ٹاؤن ڈویژن کی مجموعی کارکردگی کا جائزہ لیا گیا اور سرکل کی کارکردگی بہتر نہ ہونے پر ایس ڈی پی او سبزہ زار سے اظہار ناراضگی کا اظہار کیا گیا۔
ایس پی اقبال ٹاؤن کو ایس ایچ او سبزہ زار کوشوکازنوٹس جاری کرنےکی ہدایت بھی کی گئی۔
ڈی آئی جی آپریشنز نے پتنگ سازی و فروشی میں ملوث کارخانوں وافراد کے خلاف کریک ڈاؤن کرنے کا حکم بھی دیا۔
انہوں نے کہا کہ اشتہاری وعادی مجرمان کے گرد گھیرا تنگ کریں۔بدمعاشی کلچر کسی صورت برادشت نہیں، شریف شہریوں کو ڈرانے دھمکانے والوں کو سلاخوں میں ڈالیں۔زیر تفتیش مقدمات کو جلد از جلد یکسو کریں۔
ڈی آئی جی آپریشنز فیصل کامران نے ہدایت کی کہ جیب کتروں، چوروں کو لگام ڈالیں، منشیات فروشی،ناجائز اسلحہ کے خلاف کارروائیاں کریں۔پبلک سروس ڈلیوری مزید بہتر بنائیں۔مدعی کو انصاف کی بلاتفریق فراہمی،تھانوں کی سطح پر شنوائی، مسائل کا حل یقینی بنائیں۔
انہوں نے کہا کہ ایل ٹی ای سیٹ، ٹیب،تھانوں کے کیمرے سمیت دیگر آلات ورکنگ حالت میں رکھیں۔اپنے ماتحت اہلکاروں سے مضبوط تعلق قائم کریں، جرائم کی بیخ کنی میں مددگار ثابت ہوگا۔اگر کوئی شہری تھانوں،دفاتر میں خوارہوا،متعلقہ افسر جوابدہ ہوگا۔