سپریم کورٹ نے قتل اور دیگر فوجداری مقدمات کیلئے اہم پرفارما جاری کردیا

سپریم کورٹ آف پاکستان نے  قتل اور دیگر فوجداری مقدمات کیلئے اہم پرفارما جاری کردیا۔

رپورٹ کے مطابق کیس کی تمام بنیادی معلومات ایک صفحے کے فارم پر دینا لازم ہوں گی، فریقین کے لیے کیس کے ساتھ معلوماتی فارم جمع کرانا لازم قرار دیا گیا ہے، ایف آئی آر نمبر، تھانہ، پوسٹمارٹم نتائج پرفارما میں دینا ہوں گے۔

ٹرائل کورٹ اور ہائیکورٹ فیصلوں کے نتائج بھی پرفارمار میں شامل کرنے ہوں گے، ملزمان کے نام، عمر، گرفتاری کی تاریخ سب فارم پر درج ہوگا۔

اس کے علاوہ پوسٹمارٹم کا دن اور وقت بھی پرفارما پر بتانا ہو گا، فرانزک کا نتیجہ کیا رہا یہ بھی پرفارما پر درج ہو گا۔

ججز کیس کی تمام بنیادی معلومات ایک صفحے کے پرفارما سے دیکھ پائیں گے، پرفارما جرم کی نوعیت اور کیس کی اہمیت کا فوری اندازہ لگانے میں مددگار ہو گا۔