بلوچستان: سمندر کے راستے غیرقانونی ایران جانے کی کوشش کرنیوالے 60 ملزمان گرفتار
ملزمان کے خلاف 4 مقدمات درج کرکے تفتیش کا آغاز کردیا گیا
کراچی:
ایف آئی اے بلوچستان زون نے غیر قانونی طور پر سمندر کے راستے ایران جانے کی کوشش ناکام بناتے ہوئے 60 ملزمان کو گرفتار کرلیا۔
ترجمان ایف آئی اے کے مطابق گرفتار ملزمان میں 9 کا تعلق گوجرانوالہ سے، 19 کا تعلق مالاکنڈ، 16 کا تعلق بنوں سے ہے۔
گرفتار ملزمان میں 9 کا تعلق لوئر دیر، 3 کا تعلق اپر دیر، 2 کا تعلق مردان سے ہے، ملزمان کو جیوانی سے گرفتار کیا گیا۔
گرفتار ملزمان غیر قانونی سمندر کے راستے پاکستان سے ایران جا رہے تھے، ملزمان کے خلاف 4 مقدمات درج کرکے تفتیش کا آغاز کر دیا گیا ہے۔