کراچی میں جشنِ میلادالنبی ﷺ کا مرکزی جلوس برآمد، وزیراعلیٰ سندھ کی صوبائی وزرا کے ہمراہ شرکت

وزیراعلیٰ سندھ سید مراد علی شاہ کی میمن مسجد آمد

وزیراعلیٰ سندھ سید مراد علی شاہ کا جشنِ میلادالنبی ﷺ کے جلوس میں شرکت

صوبائی وزراء؛ شرجیل انعام میمن، سعید غنی، میئر کراچی مرتضیٰ وہاب اور دیگر رہنما وزیراعلیٰ کے ہمراہ ہیں pic.twitter.com/8HD3NZQGlJ

قبل ازیں ایڈیشنل آئی جی کراچی جاوید عالم اوڈھو نے میمن مسجد کراچی کے باہر میڈیا سے بات چیت کرتے ہوئے کہا کہ 12 ربیع الاول کو کراچی میں مرکزی جلوس سمیت شہر میں میلاد النبی ﷺ کے چھوٹے بڑے 500 سے زائد جلوس نکالے جار ہے ہیں۔

انہوں نے بتایا کہ جلوسوں کے علاوہ میلاد النبی ﷺ کے 1 ہزار سے زائد اجتماعات ہورہے ہیں، جلوسوں کی سیکیورٹی کے لیے پورے شہر اور مرکزی جلوس کے راستے میں مجموعی طور پر 14 ہزار سے زائد پولیس اہلکار تعینات ہیں۔

ان کا کہنا تھا کہ کراچی کا مرکزی جلوس میمن مسجد سے برآمد ہوگا، ایم اے جناح روڈ پر مرکزی جلوس میں مختلف مقامات پر 4 سے 5 مزید جلوس شامل ہوجائیں گے۔

انہوں نے کہا کہ اسلامی کلینڈر اور مذہبی سرگرمیوں کا آغاز محرم سے ہوتا ہے جو آج 12 ربیع الاول کو مکمل ہوتی ہیں، الحمد اللہ ہم نے گزشتہ دو ماہ بہتر سیکیورٹی اور امن و امان سے گزاریں ہیں۔