کراچی، شادی کے روز غائب ہونے والا دلہا تاحال گھر نہیں پہنچا، مقدمہ درج

شہر قائد کے علاقے کورنگی مدینہ کالونی سے شادی کے روز لاپتہ ہونے والا دلہا تاحال نا مل سکا، واقعے کا مقدمہ 2 روز بعد تھانہ زمان ٹاؤن میں درج کر لیا گیا۔

ایس ایچ او تھانہ زمان ٹاؤن نفیس الرحمان کے مطابق دولہے جہانزیب کے والد وسیم کی مدعیت میں مقدمہ درج کیا گیا ہے۔

مدعی نے بتایا کہ جہانزیب کی بارات 11 ستمبر کو تھی، شادی کے روز وہ شام 6 بجے کورنگی نمبر چار پر واقعے سیلون جانے کے لیے موٹر سائیکل پر گھر سے نکلا تھا۔

شام تقریب ساڑھے 7 بجے سیلون سے تنویر نامی شخص کی کال آئی جس نے بتایا کہ جہانزیب تاحال سیلون نہیں پہنچا ہے۔

فون کال کے بعد جہانزیب کی تلاش شروع کی اس ہی دوران جہانزیب کا زیر استعمال موبائل فون بھی گھر پر موجود پایا گیا۔

والد کا مؤقف ہے کہ نامعلوم افراد نے ان کے بیٹے کو اغوا کر لیا ہے۔

پولیس کے مطابق اہلخانہ نے بتایا کہ جہانزیب نجی فیکٹری میں ملازمت کرتا ہے، مقدمہ درج کرکے واقعے کی مختلف پہلوؤں سے تفتیش کی جارہی ہے اور مغوی دلہے کی تلاش جاری ہے۔