ایشیا کپ: سری لنکا نے ہانگ کانگ کو 4 وکٹوں سے شکست دیدی

ایشیا کپ کے آٹھویں میچ میں سری لنکا نے ہانگ کانگ کو 4 وکٹوں سے شکست دے دی۔

دبئی کرکٹ اسٹیڈیم میں کھیلے گئے میچ میں سری لنکا نے 150 رنز کا ہدف 19 ویں اوور میں 6 وکٹوں کے نقصان پر حاصل کیا۔

سری لنکا کی جانب سے پتھم نسانکا 68 رنز بنا کر نمایاں رہے۔ کوشل پریرا 20، کامل مشارا 19، کوشل مینڈس 11، کمنڈو مینڈس 5 اور کپتان چرتھ اسالانکا 2 رنز بنا کر آؤٹ ہوئے۔

ونندو ہسارانگا 20 اور داسن شناکا 6 رنز کے ساتھ ناٹ آؤٹ رہے۔

ہانگ کانگ کی جانب سے یاسم مرتضیٰ نے 2 کھلاڑیوں کو آؤٹ کیا۔ احسان خان، اعزاز خان اور آیوش شکلا نے 1، 1 وکٹ حاصل کی۔

اس سے قبل سری لنکا کی دعوت پر پہلے بیٹنگ کرتے ہوئے ہانگ کانگ نے مقررہ 20 اوورز میں 4 وکٹوں کے نقصان پر 149 رنز اسکور کیے۔

ہانگ کانگ کی جانب سے نزاکت خان 52 رنز ناٹ آؤٹ بنا کر نمایاں رہے۔ انشے راتھ 48، ذیشان علی 23، کپتان یاسم مرتضیٰ 5 اور بابر حیات 4 رنز بنا کر آؤٹ ہوئے۔

اعزاز خان 4 کے انفرادی اسکور پر ناٹ آؤٹ پویلین لوٹے۔

سری لنکا کی جانب سے دُشمانتا چمیرا نے 2 وکٹیں حاصل کیں۔ داسن شناکا اور ونندو ہسارنگا نے 1، 1 کھلاڑی کو آؤٹ کیا۔