شراب برآمدگی کیس؛ علی امین گنڈاپور کے وارنٹ گرفتاری جاری
وزیراعلیٰ کے پی علی امین گنڈا پور عدالت میں پیش نہ ہوئے
فوٹو: فائل
اسلام آباد:
ڈسٹرکٹ اینڈ سیشن کورٹس اسلام آباد نے وزیراعلیٰ خیبر پختونخوا علی امین گنڈاپور کے وارنٹ گرفتاری جاری کر دیے۔
سینیئر سول جج مبشر حسن چشتی نے وزیر اعلیٰ کے پی کیخلاف شراب و اسلحہ برآمدگی کیس کی سماعت کی۔
علی امین گنڈا پور عدالت میں پیش نہ ہوئے جس پر عدالت نے وزیراعلیٰ خیبر پختونخوا کے وارنٹ گرفتاری جاری کر دیے۔
کیس کی سماعت 27 ستمبر تک ملتوی کر دی گئی۔
وزیر اعلیٰ کے پی علی امین گنڈا پور کے خلاف تھانہ بارہ کہو میں مقدمہ درج ہے۔