آزاد اور خودمختار فلسطینی ریاست عالم اسلام کا متفقہ فیصلہ ہے، حافظ طاہر اشرفی

پاکستان علما کونسل کے چیئرمین حافظ طاہر محمود اشرفی نے کہا ہے کہ امریکی صدر کے غزہ امن کیلئے 20 نکاتی فارمولے کا مسلم ممالک نے خیرمقدم کیا ہے۔

اسلام آباد میں نیوز کانفرنس کرتے ہوئے حافظ طاہر اشرفی نے کہا کہ مسلم ممالک امن منصوبے کے حوالے سے کام کررہے ہیں، پاکستان کا روز اول سے یہ موقف ہے جو حل فلسطینیوں کو قبول ہوگا، اسی کی حمایت کی جائے گی۔

انہوں نے کہا کہ امریکی صدرکا20نکاتی فارمولہ حتمی نہیں،اس پر بات چیت اور مشاورت ہوگی۔

حافظ طاہر اشرفی نے کہاکہ فلسطین متفقہ مسئلہ ہے،اس کو متنازع نہ بنایا جائے، آزاد اور خودمختار فلسطینی ریاست عالم اسلام کا متفقہ فیصلہ ہے، فلسطین کے معاملے پر سیاست نہیں ہونی چاہئے۔