دیر میں تیز بارش اور ژالہ باری، گرمی کا زور ٹوٹ گیا
بارش اور ژالہ باری سے ہلکی پھلکی سردی بھی محسوس ہونے لگی
پشاور:
ضلع دیر کے مختلف علاقوں میں تیز بارش اور ژالہ باری سے گرمی کا زور ٹوٹ گیا جبکہ ہلکی پھلکی سردی محسوس ہونے لگی۔
بارش سے ندی نالیوں میں طغیانی اور دریائے پنجکوڑہ میں پانی کی سطح بلند ہونے لگی جبکہ رابطہ سڑکیں پانی میں بہہ گئیں۔
جی ٹی روڈ اور کاروباری مراکز میں پانی جمع ہوگیا جبکہ بارش کا پانی گھروں اور دکانوں میں بھی داخل ہوگیا۔
دوسری جانب، رستم اور گردونواح میں گرج چمک اور طوفانی ہواؤں کے ساتھ موسلادھار بارش سے موسم خوش گوار اور ٹھنڈ ہوگیا۔
شدید بارش سے ندی اور نالوں میں طغیانی آگئی۔