سندھ میں 20اکتوبر کو تعطیل کا اعلان
صوبائی حکومت نے اس حوالے سے نوٹیفکیشن بھی جاری کر دیا
تعطیل میں تمام سرکاری، نیم سرکاری اور نجی ادارے بند رہیں گے—فوٹو : فائل
کراچی:
سندھ حکومت نے اقلیتی برادری کے تہوار کو مد نظر رکھتے ہوئے 20 اکتوبر کو صوبے میں تعطیل کا اعلان کر دیا۔
صوبائی حکومت نے اس حوالے سے نوٹیفکیشن بھی جاری کر دیا۔
جاری نوٹیفکیشن کے مطابق ہندو کمیونٹی کے لیے ’’دیوالی‘‘ کے موقع پر تعطیل کا اعلان کیا گیا ہے۔
سندھ میں 20 اکتوبر بروز پیر صوبے کے تمام سرکاری دفاتر بند رہیں گے۔