پشاور: نو منتخب وزیراعلی خیبرپختونخوا کی حلف برداری کے سلسلے میں سمری گورنر کو ارسال
نئے وزیراعلی خیبر پختونخوا کی حلف برداری کے لیے سمری گورنر ہاؤس کو ارسال کردی گئی۔
اسمبلی سیکرٹریٹ کی جانب سے ارسال کردہ سمری میں گورنر کو نئے وزیراعلی سے حلف لینے کا کہا گیا ہے۔
سمری میں وزیراعلی کے امیدواروں کے نتائج کا ذکر بھی کیا گیا ہے، اسمبلی سیکریٹریٹ نے نتائج کے اعلان کے فوری بعد سمری گورنر کو بھجوائی۔
یہ بھی پڑھیں: پی ٹی آئی کے رہنما محمد سہیل آفریدی نئے وزیر اعلیٰ خیبرپختونخوا منتخب
یاد رہے کہ پی ٹی آئی کے نامزد رہنما محمد سہیل آفریدی کو خیبر پختونخوا کا نیا وزیراعلیٰ منتخب کرلیا گیا۔
نئے وزیراعلیٰ خیبر پختونخوا کے انتخاب کے لیے صوبائی اسمبلی کا اجلاس ہوا، اپوزیشن اراکین واک آؤٹ کرتے ہوئے ایوان سے باہر چلے گئے جب کہ اسپیکر نے علی امین گنڈاپور کا استعفیٰ منظور کرنیکی رولنگ دی جس کے بعد پی ٹی آئی کے رہنما محمد سہیل آفریدی نئے وزیر اعلیٰ خیبرپختونخوا منتخب کرلیے گئے۔