کیون پیٹرسن یا شاہد آفریدی، بابر کے سنچری بنانے میں کس کا کردار اہم؟
قومی کرکٹ ٹیم کے اسٹار بلے باز بابر اعظم نے گزشتہ روز 83 اننگز کے طویل انتظار کے بعد انٹرنیشنل سنچری اسکور کی۔
سنچری اسکور کرنے پر بابر اعظم کو ٹیم کے ساتھیوں، سابق کھلاڑیوں اور مداحوں کی جانب سے دنیا بھر سے مبارکبادیں موصول ہورہی ہیں۔
سابق پاکستانی کپتان شاہد آفریدی اور سابق انگلش کرکٹر کیون پیٹرسن نے بھی بابر اعظم کی سنچری پر انہیں مبارکباد پیش کی۔
شاہد آفریدی نے کہا کہ ’اس نے مجھ سے جو وعدہ کیا تھا اسے پورا کیا، اور آپ ہر اسٹروک کے ساتھ اس کا اعتماد دیکھ سکتے ہیں، گیند اس کے بلے پر بہت خوبصورتی سے آرہی تھی۔ ایک حقیقی چیمپئن کی اننگز‘۔
Congratulations to Babar Azam on a phenomenal 100 with great timing, control and elegance. He kept the promise he made to me, and you could see the confidence with every stroke, the ball was coming so beautifully onto his bat. A true champion’s innings. 🏏
Huge applause for…— Shahid Afridi (@SAfridiOfficial) November 15, 2025
کیون پیٹرسن نے اپنے یوٹیوب شو کی ریکارڈنگ کے دوران نیٹ پریکٹس سیشن میں بابر اعظم کی لی گئی ایک تصویر پوسٹ کی۔
پیٹرسن نے مزاحیہ انداز میں کیپشن لکھا’ میرے ساتھ کے گئے نیٹ سیشن نے بابر کو سنچری بنانے میں مدد فراہم کی‘۔
My net session with @babarazam258 definitely helped him get his flow back and scoring 100s again! 🤣 pic.twitter.com/FL8Mibwol3
— Kevin Pietersen🦏 (@KP24) November 15, 2025
یاد رہے کہ بابر اعظم نے آخری انٹرنیشنل سنچری اگست 2023 میں بنائی تھی۔
گزشتہ روز سنچری بناکر انہوں نے پاکستان کی جانب سے سب سے زیادہ 20 سنچریز بنانے کا سعید انور کا ریکارڈ برابر کردیا ہے۔