اداکار جوڑے نے بیٹی کو اسکول کم عمری میں اسکول نہ بھیجنے کی وجہ بتادی
فوٹو فائل
اداکارہ زارا نور عباس اور اُن کے شوہر اسد صدیقی نے کم عمر بچوں کو اسکول بھیجنے کی مخالفت کردی۔
زارا نور عباس کے ساتھ گفتگو میں اسد صدیقی نے کہا کہ بچوں کو اسکول بھیجنے کی صحیح عمر 7 سال ہے اور اس سے پہلے کسی کو بھی اسکول بھیجنا زیادتی ہے۔
اسد اور زارا نے اپنی بچی کو اسکول نہ بھیجنے کی دلیل دیتے ہوئے کہا کہ بچوں کو جلدی اسکول بھیجنا بری چوائس ہے۔
اسد صدیقی نے کہا کہ آجکل کے اسکول تو ویسے بھی تعلیم سے زیادہ کاروبار کیوجہ سے ہیں۔ انہوں نے کہا کہ فن لینڈ میں بھی بچے کو اسکول بھیجنے کی عمر 7 سال ہے جبکہ یہی اسلامی تعلیمات بھی ہیں۔
انہوں نے بتایا کہ 7 سال کی عمر تک بچہ جب گھر میں رہتا ہے تو وہ بہت ساری چیزیں اور عادتیں سیکھ لیتا ہے۔
جوڑے کے اس خیال سے سیکڑوں صارفین نے اتفاق کیا جبکہ کچھ نے اختلاف بھی کیا ہے۔
واضح رہے کہ اداکار جوڑے کے ہاں مارچ 2024 میں بیٹی کی پیدائش ہوئی جس کا نام انہوں نے نور جہاں رکھا ہے۔