بہار کے وزیراعلیٰ کی مسلم ڈاکٹر کا نقاب اتارنے کی بیہودہ کوشش؛ ویڈیو وائرل

There is no way Nitish Kumar is this vile to do something like this.

He has totally lost control of his senses and must step down from his post.

This is difficult to even watch.

pic.twitter.com/mHuhe35i4i

بھارتی میڈیا نے دعویٰ کیا کہ ویڈیو میں دیکھی جانے والی مسلم خاتون ڈاکٹر نصرت پروین ہیں جو حال ہی میں سرکاری ملازمت حاصل کرنے میں کامیاب ہوئی ہیں۔

وزیر اعلیٰ نیتش کمار کی اس غیر متوقع اور غیر اخلاقی حرکت پر ڈاکٹر نصرت پروین واضح طور پر حیران اور پریشان نظر آئیں جبکہ پس منظر میں بعض افراد کے ہنسنے کی آوازوں نے صورتحال کو مزید تکلیف دہ بنا دیا۔

ویڈیو کے وائرل ہوتے ہی نہ صرف سوشل میڈیا صارفین بلکہ اپوزیشن جماعتوں اور مسلم رہنماؤں نے شدید الفاظ میں مذمت کی۔

اکبر اویسی نے کہا کہ ایک ایسے شخص کو وزیراعلیٰ بنادیا گیا ہے جسے خواتین کے ساتھ برتاؤ اور سلوک کے بنیادی آداب بھی معلوم نہیں ہیں۔

کانگریس رہنماؤں نے بھی واقعے کی مذمت کرتے ہوئے کہا کہ ایسی حرکتیں بھارت کا چہرہ خراب کرنے کی مذموم کوشش ہے۔

ہندو جماعت راشٹریہ جنتا دل نے وزیرِاعلیٰ کے رویے پر سوال اٹھاتے ہوئے کہا کہ یہ عمل ان کی ذہنی کیفیت اور نیت پر سنگین سوالات کھڑے کرتا ہے۔

مسلم رہنماؤں کا کہنا ہے کہ یہ محض ایک واقعہ نہیں بلکہ اس سوچ کی عکاسی کرتا ہے جس میں خواتین کے لباس، حجاب اور نقاب کے بارے میں فیصلے زبردستی مسلط کیے جاتے ہیں۔

خیال رہے کہ ریاست بہار میں حجاب یا نقاب پر سرکاری سطح پر کوئی پابندی نہیں ہے تاہم اس واقعے کے بعد ناقدین کا کہنا ہے کہ ایسے اقدامات بالواسطہ طور پر حجاب کے خلاف رویے کو فروغ دیتے ہیں۔