تربت میں سیکیورٹی فورسز کا بڑا کریک ڈاؤن، غیر قانونی اسلحے کی بڑی کھیپ ضبط کر لی
سیکیورٹی فورسز نے مشتبہ گاڑی سے 400 پستول اور 340 میگزین ضبط کر لیے
کوئٹہ:
تربت میں اسلحہ اسمگلنگ نیٹ ورک پر سیکیورٹی فورسز نے کاری ضرب لگاتے ہوئے غیر قانونی اسلحے کی بڑی کھیپ ضبط کر لی۔
بلوچستان کے ضلع کیچ کی تحصیل تربت میں سیکیورٹی فورسز نے بڑا کریک ڈاؤن کیا اور بھاری مقدار میں غیر قانونی اسلحہ ضبط کر لیا۔
ذرائع کے مطابق ایم 8 شاہراہ سمی ناکے پر مشتبہ پک اَپ کی تلاشی کے دوران غیر قانونی اسلحہ برآمد ہوا۔
ملکی امن و امان کے قیام اور شرپسند عناصر کے خاتمے کے لیے سیکیورٹی فورسز پرعزم ہیں۔