سانحہ گل پلازہ؛ کراچی الیکٹرانکس ڈیلرز ایسوسی ایشن کا مارکیٹس بند رکھنے کا اعلان
آج مارکیٹیں بند کرکے یہ پیغام دیں گے کہ تاجر متحد ہیں، صدر رضوان عرفان
کراچی الیکٹرانکس ڈیلرز ایسوسی ایشن نے سانحہ گل پلازہ کے تناظر میں آج یوم سوگ اور مارکیٹیں بند رکھنے کا اعلان کر دیا۔
ایسوسی ایشن کے صدر رضوان عرفان نے گل پلازہ حادثے پر ویڈیو بیان جاری کرتے ہوئے کہا کہ گل پلازہ کے دکانداروں سے اظہار یکجہتی کریں گے، آج مارکیٹیں بند کرکے یہ پیغام دیں گے کہ تاجر متحد ہیں۔
ایسوسی ایشن کے صدر کا کہنا تھا کہ دکاندار اور دکانداروں کے ورکرز عمارت میں موجود ہیں، سیکڑوں کی تعداد میں دکاندار عمارت کے سامنے موجود ہیں، بہت بڑا سانحہ ہے جس پر تمام تاجر دلبرداشتہ ہیں، دکاندار سڑک پر آچکے ہیں۔