سانحہ گل پلازہ: حارث رؤف کی ناقص انتظامات پر حکومت پر شدید تنقید
قومی کرکٹ ٹیم کے فاسٹ بولر حارث رؤف نے سانحہ گل پلازہ پر حکومت پر شدید تنقید کی ہے۔
سوشل میڈیا پر جاری پیغام میں حارث رؤف نے کہا کہ یہ سانحہ ہماری اجتماعی ناکامی کو بے نقاب کرتا ہے، جہاں انسانی جانوں کے تحفظ کے لیے موجود نظام بری طرح ناکام ثابت ہوا۔
انہوں نے کہا کہ ناقص فائر سیفٹی انتظامات، امدادی کارروائی میں تاخیر اور غیر مؤثر حکمتِ عملی نے اس المیے کو مزید سنگین بنا دیا۔
حارث رؤف نے کہا کہ اس غفلت کی قیمت نہایت بھاری تھی، قیمتی جانیں ضائع ہو گئیں، کئی خاندان بکھر گئے اور بے شمار خواب ادھورے رہ گئے۔
The tragedy exposed our collective failure to protect lives. Inadequate fire safety, delayed rescue, and a system that failed its people!
The cost? Precious lives, lost. Families torn apart. Dreams unfulfilled. The helplessness is suffocating. How many more lives will it take for…— Haris Rauf (@HarisRauf14) January 19, 2026
انہوں نے مزید کہا کہ اس سانحے کے بعد پیدا ہونے والی بے بسی کا احساس دل کو جکڑ لیتا ہے۔
حارث رؤف نے سوال اٹھایا کہ آخر کب تک ہم ایسی لاپرواہی برداشت کرتے رہیں گے؟ مزید کتنی جانیں قربان ہوں گی تب جا کر ہم جاگیں گے؟ یہ صرف ایک حادثہ نہیں بلکہ ایک انتباہ ہے، جو ہم سب سے جواب مانگ رہا ہے۔
انہوں نے کہا کہ غم کی شدت ناقابلِ بیان ہے اور عوامی غصہ بالکل بجا ہے۔
واضح رہے کہ گل پلازہ میں لگنے والی آگ پر تقریباً 36 گھنٹے بعد آج صبح قابو پالیا گیا ہے جس میں 14 افراد جاں بحق ہوئے اور 54 ابھی بھی لاپتہ ہیں۔
My heart goes out to the families affected by the tragic fire at Gul Plaza, Karachi. The loss of precious lives is devastating. May they find strength in this difficult time 💔