عامر خان اور سنیل گروور کی نئی ویڈیو وائرل

بھارت کے مقبول ترین کامیڈی شو ’دی گریٹ انڈین کپل شو‘ میں سنیل گروورکی جانب سے عامر خان کی نقالی کرنے پر بالی ووڈ کے مسٹر پرفیکشنسٹ کا ردعمل سامنے آگیا جب کہ دونوں کی ایک مشترکہ ویڈیو بھی وائرل ہورہی ہے۔ 

نیٹ فلیکس پر ’دی گریٹ انڈین کپل شو‘ کے چوتھے ایڈیشن کی حالیہ ایپی سوڈ میں اداکار کارتک آریان اور اداکارہ اننیا پانڈے اپنی فلم ’تو میری، میں تیرا، میں تیرا، تو میری‘ کی تشہیر کے لیے پہنچے تھے۔ 

دراصل، حالیہ ایپی سوڈ میں سنیل گروور نے بالی ووڈ کے ’مسٹر پرفیکشنسٹ‘ عامر خان کی ایسی زبردست نقالی کی کہ سوشل میڈیا پر ان کے چرچے ہیں۔

اس سے قبل، سنیل گروور معروف بھارتی شاعر ولکھاری گلزار، سلمان خان، شاہ رخ خان، اجے دیوگن، اکشے کمار، کپل دیو سمیت کئی نامور شخصیات کی نقالی کرچکے ہیں۔  

جس پر 60 سالہ اداکار ہنس پڑے اور نہایت محبت بھرے انداز میں سنیل گروور کی تعریف کی۔

دنگل اسٹار نے مزید کہا کہ وہ صرف آپ کے انداز یا آواز کی نقل نہیں کرتے، بلکہ اس سے بھی آگے بڑھ جاتے ہیں، وہ یہ سمجھتے ہیں کہ آپ کس طرح سوچتے ہیں اور کسی صورتحال پر الفاظ یا عمل کے ذریعے کیسے ردِعمل دیتے ہیں، اسی لیے وہ کردار میں گہرائی تک اتر جاتے ہیں۔

یہ تعریف ایسے وقت میں سامنے آئی ہے جب دونوں فنکار حال ہی میں فلم ہیپی پٹیل کی تشہیری ویڈیو میں ایک ساتھ نظر آئے۔

مزاح اس وقت عروج پر پہنچ جاتا ہے جب اصل عامر خان اندر داخل ہوتے ہیں اور انہیں سنیل گروور سمجھ لیا جاتا ہے، یہاں تک کہ سیکیورٹی عامر خان کو ہی ان کے اپنے دفتر سے باہر نکال دیتی ہے۔