کراچی: چائنہ پورٹ کے قریب بحری جہاز کی ٹکر سے کشتی ڈوب گئی، 10 مسافر سوار تھے

کراچی میں منوڑہ کے قریب سمندر میں کشتی ڈوب گئی  10 مسافر سوار تھے۔

رپورٹ کے مطابق حکام نے وزیراعلیٰ سندھ کو بریفنگ  میں بتایا کہ کہ چائنہ پورٹ کے قریب بحری جہاز کشتی سے ٹکرانے سے حادثہ پیش آیا، کشتی میں 10 افراد سوارتھے، 6 مسافروں کو بچایا گیا ہے جبکہ 4 کی تلاش جاری ہے۔

وزیراعلیٰ سندھ سید مراد علی شاہ نے منوڑہ کے قریب سمندر میں کشتی ڈوبے پر اظہار افسوس کیا اور کہا کہ ریسکیو آپریشن تیز کیا جائے ور انسانی جانیں بچائی جائیں۔

وزیراعلیٰ سندھ نے ڈی سی کیماڑی کو ہدایت دی کہ آپریشن کی نگرانی کے لئے اپنی ٹیم بھیج دیں۔

بعد ازاں پاکستان میری ٹائم سکیورٹی ایجنسی نے حادثے کی تحقیقات شروع کردیں اور کہا کہ  عملے کی کوتاہی یا تیز ہوائیں/ ہر پہلو سے معاملے کو دیکھا جارہا ہے 

ذرائع ایم ایس اے نے کہا کہ 7 افراد کو ریسکیوکرلیا گیا،4 کی تلاش جاری ہے۔